📊 महिन्याभरात जप्त केलेला मुद्देमाल:

💥 'या' मोठ्या कारवाया ठरल्या हायलाइट!

'मेड इन पाकिस्तान' रॅकेटचा पर्दाफाश: इतवारा भागातून बंदी असलेली 'मेड इन पाकिस्तान' सौंदर्यप्रसाधने जप्त केली. मुंबईच्या कारागृहातून मुख्य सूत्रधाराला ताब्यात घेत राज्यभरात पसरलेले हे रॅकेट उद्धवस्त केले.

अल्पवयीन मुलांची सुटका व शोध: अपहरण झालेल्या १९ मुली आणि १ मुलाचा सुरक्षित शोध घेण्यात पोलिसांना यश आले. तसेच बेपत्ता असलेल्या २९ महिला व २२ पुरुषांना शोधून त्यांच्या कुटुंबांच्या स्वाधीन केले.

मानवी वाहतूक व आंतरराज्य रॅकेटवर प्रहार: मानवी तस्करीप्रकरणी २ गंभीर गुन्हे दाखल करत १३ जणांवर कठोर कारवाई केली. याशिवाय पंजाब राज्यातील अमली पदार्थांची तस्करी, महाविद्यालयीन विद्यार्थ्यांचे अपहरण आणि सायबर फसवणुकीतील 'म्यूल अकाउंट'च्या रॅकेटचा पर्दाफाश केला.

४७१ गहाळ मोबाईल परत: नागरिकांचे गहाळ झालेले तब्बल ४७१ मोबाईल शोधून काढून ते मूळ मालकांना परत मिळवून दिले.

⚖️ 'ट्रायल मॉनिटरिंग सेल'ची अनोखी संकल्पना

न्यायालयीन खटल्यांमध्ये प्रभावी तपास आणि भक्कम पुरावे सादर करून गुन्हेगारांना अद्दल घडवण्यासाठी डॉ. निलाभ रोहन यांनी 'ट्रायल मॉनिटरिंग सेल'ची स्थापना केली आहे. यामुळे माळाकोळी, हिमायतनगर, नांदेड ग्रामीण हद्दीतील अत्याचाराची गंभीर प्रकरणे आणि किनवट येथील पत्नीवरील जीवघेणा हल्ला या प्रकरणांत आरोपींना न्यायालयाने तत्परतेने कठोर शिक्षा सुनावली आहे.

🛡️ सुरक्षा अन् जनजागृतीवर भर

केवळ दंडात्मक कारवायांवर न थांबता एसपी डॉ. निलाभ रोहन यांच्या मार्गदर्शनाखाली जिल्ह्यात सायबर गुन्हेगारी, महिला सुरक्षा आणि वाहतूक नियमांच्या जनजागृतीसाठी विशेष उपक्रम राबवले जात आहेत.